صحفي عدني يشرح كيف يتصرف ابناء عدن مع الشماليين،وكيف تسيطر القاعدة على شوارع عدن “هام جدا
مقال رائع جدا يشرح به الوضع المأساوي في عدن وكيف يُعامل ابناء الشمال في عدن وكيف يقابلهم بالمثل أبناء الشمال ………ويجيب عن السؤال الأكثر جدلا كيف ينددون بالشماليون الزيود وهم مسالمون ويصمتون من أنتهاكات القاعدة بحق أبناء الجنوب وعلم الجنوب
سنترككم مع هذا المقال الرائع وسنضع النقاط المهمة باللون الأحمر النقاط التي لابد ان نضع تحتها ألفين خط
?أنيس منصور
1/ نحن كجنوبيين في كل مناسبه نوجه الشتم للشمال كشعب والطيب فينا الي يشتكي من الشماليين في كل مجلس وهذا يجعلني اسال رفاقي ماذا نريد من الشمال؟ ٢/ الرئيس جنوبي ورئيس الوزراء ووزير الداخليه والاعلام والنقل وقيادات عدن جنوبيين ولا حكمنا زي الناس ولا خليناهم يحكموا فماذا نريد من الشمال؟
٣/كنا نتظاهر ضد قوات عفاش حتى نعلن الاستقلال وخرجت القوات ولنا سنه من جوله كالتكس الى جوله الكراع لاانفصلنا ولاتوقفنا عن سب الشمال ماذانريد؟
٤/ تغير الواقع قبل سنه والذي يفرض الوحده الان هي قوات التحالف المتواجده بالجنوب في اهم المواقع واحنا مستمرين في سب الشمال فماذا نريد منهم؟
٥/ جاء التحالف وحرر الجنوب ووقف الشعب معنا باعلامهم ومراسلين خاطروا بحياتهم وانتقل التحالف لتحرير الشمال ووقف اعلامنا مع عدوهم نشمت ونسخر
٦/ خرج كثير من المواطنين الشماليين من عدن بسبب المضايقات لانهم شماليين وما سمعنا بجنوبي واحد تعرض للمضايقه في الشمال لانه جنوبي ماذا نريد ؟ ٧/ نايف البكري الجنوبي زار مارب وما شفنا اي شمالي يرفض زيارته واحنا بالجنوب اذا سمعنا مسؤول شمالي فكر يزور عدن كل واحد منا تطلع لسانه ذراع
٨/ عصابات النهب والفيد في الجنوب نهبت املاك مواطنين شماليين ومحلاتهم وطردت اصحاب البسطات وما سمعنا بدكان اي جنوبي تعرض للنهب في الشمال ٩/ لما يكتب مغرد خليجي عن اليمن يدخل سفهاء الجنوب ويكتبوا كل القذارات بحق الشمال بدون حياء ولا خجل ولا ادب من فين جاءت هذه الاخلاق القبيحه؟ ١٠/حسنوا الفاظكم يارفاق ولا تعتقدوا ان استقلال الجنوب با يكون بالسب والشتم وخلوكم محترمين من انفسكم مش بس اذا دعستكم وجلدتكم القاعده تتأدبوا
شايع والزبيدي لا يوجد منصف يشكك في مقاومتهم للإنقلابين
و لهم مستقبل في الحكومة الجديدة ولاكن عليهم أن يتركوا البقبقه
وأكثر ما أخشاه عليهم تأثير الحراكيش عليهم ويضيعوهم
١١/ شوهتوا العادات العربيه الاصيله قارنوا بس بين الاحترام الي تلقوه في الشمال وبين تعاملكم معهم في الجنوب وتعرفوا العيب الكبير الذي ترتكبوه
١٢/عدونا وعدو الشمال نظام ظلمنا كلنا لكن الغباء يخليكم توجهوا السب والشتم للشمالي المظلوم مثلكم وتتجاهلوا العدو الحقيقي وهذا مرض شوفوا له حل
١٣/ الجنوبي في محافظات الشمال له احترام خاص وااتحدى اي واحد جنوبي يقول انه تعرض لسب او سخريه وشوفوا لقافاتكم مع اي ضيف شمالي يزور الجنوب ١٤/ يا رفاق سمعتنا كجنوبيين وحضارم في الخارج انهارت بسبب تصرفات السفهاء قبل سنه كان كل شيء مغطى والان الاعلام الخارجي مهتم باليمن يتابع ويشوف بنفسه
١٥/ معظم مناطقنا الان تحت القاعده تجلد مؤخره كل من يرفع علم الجنوب وبدل ما الاعلاميين يركزوا على هذا الظلم يخافوا ويطلعوا حرتهم في الشمال ١٦/ تلقى الاستعراضات الجنوبيه في مناطق مافيها حرب وتسمع الهنجمه والنخيط في المعسكرات ولما تقول تحركوا مكيراس وكرش وبيحان او المكلا يعملوا انفسهم ميتين….
